Vilt þú vinna í kjördeild í kosningunum?

Yfirkjörstjórn Ísafjarðarbæjar auglýsir eftir varafulltrúum í undirkjörstjórnir kjördeilda á Ísafirði, Suðureyri, Flateyri og Þingeyri vegna þjóðaratkvæðagreiðslu þann 29. ágúst 2026. Varamenn eru kallaðir inn ef aðalmenn forfallast.

Kjördeildir eru:

1.-3. kjördeild er í Grunnskólanum á Ísafirði

4. kjördeild er í Grunnskólanum á Suðureyri

5. kjördeild er í Grunnskóla Önundarfjarðar á Flateyri

6. kjördeild er í Grunnskólanum á Þingeyri

Vinnutími er í 1-3. kjördeild 8:00-21:00 og í 4-6. kjördeild 8:00-19:00 á kjördag (vaktaskipt með hléum), auk upplýsingafundar föstudaginn 28. ágúst kl. 18:00 með yfirkjörstjórn á Ísafirði.

Þau sem áhugasöm eru geta haft samband við Rakel S. Björnsdóttur, þjónustufulltrúa Ísafjarðarbæjar á netfangið postur@isafjordur.is, með upplýsingum um fullt nafn, kennitölu, síma og netfang.

Greitt er fyrir setu í kjörstjórn.