Hvesta – Starfsmaður á hæfingarstöð
Hvesta hæfingarstöð sem er vinnu og virknimiðað úrræði fyrir fatlað fólk auglýsir laust til umsóknar starf starfsmanns á hæfingarstöð. Um 50-60% er að ræða með möguleika á aukavinnu um helgar í skammtímadvöl. Æskilegast er að viðkomandi geti hafið störf sem fyrst. Til greina kemur að ráða leiðbeinanda í starfið.
Starfið er mjög fjölbreytt og gefandi og fer það fram á dagvinnutíma virka daga vikunnar. Næsti yfirmaður er forstöðumaður Hvestu og skammtímadvalar.
Helstu verkefni og ábyrgð:
- Veita þjónustunotendum stuðning við athafnir daglegs lífs
- Hafa gaman í vinnunni og vera öðrum fyrirmynd
- Fylgja eftir þjónustuáætlunum og verklagsreglum
- Virkja þjónustunotendur til vinnu og ýmissa tómstunda
- Önnur tilfallandi störf samkvæmt starfslýsingu
Menntunar- og hæfniskröfur:
- Áhugi á málefnum fatlaðs fólks
- Góð íslenskukunnátta skilyrði
- Menntun á sviði þroskaþjálfunar eða kennslufræði mikill kostur
- Þjónustulund og jákvæðni í starfi
- Hæfni í mannlegum samskiptum og sveigjanleiki
- Frumkvæði og samviskusemi
- Almenn ökuréttindi skilyrði
Launakjör eru samkvæmt samningum launanefndar sveitarfélaga við viðkomandi stéttarfélag (Kjölur/VerkVest).
Umsóknum skal skilað til Sigþrúðar Margrétar Gunnsteinsdóttur, forstöðumanns Hvestu og skammtímadvalar á sigthrudur@isafjordur.is.
Umsóknarfrestur er til og með 31. október 2026. Með umsókn skal fylgja ferilskrá. Umsókn getur gilt í 6 mánuði.
Nánari upplýsingar veitir Sigþrúður í síma 773-7271 eða í gegnum ofangreint netfang.
Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.
-Við þjónum með gleði til gagns-