Bæjarráð

Á 1377. fundi bæjarráðs, þann 20. ágúst 2026, var lagt fram minnisblað Margrétar Geirsdóttur, sviðsstjóra velferðarsviðs, dags. 18. ágúst 2026, varðandi beiðni um að leiga aðstöðu á 3. hæð Stjórnsýsluhússins af KSK eignum, vegna fjölgunar starfsmanna á sviðinu. Rýmið yrði nýtt fyrir skrifstofur og færslu fundarherbergis frá 2. hæð til 3. hæðar. Bæjarráð samþykkti beiðni sviðsstjóra um leigu á 3. hæð Stjórnsýsluhússins og fól bæjarstjóra að leggja fram viðauka við fjárhagsáætlun á næsta fundi bæjarráðs.

Er viðauki 11 við fjárhagsáætlun Ísafjarðarbæjar 2026 nú lagður fram til samþykktar.

Sveitarfélögum er skylt að færa í efnahagsreikning sinn alla leigusamninga vegna fasteigna og annarra mannvirkja til lengri tíma en þriggja ára, enda séu þeir ekki uppsegjanlegir af hálfu sveitarfélagsins innan eins árs. Leiga á aðstöðu á 3. hæð Stjórnsýsluhússins af KSK eignum ber því að færa sem leigueign að fjárhæð 23,5 m.kr. og sem leiguskuld að fjárhæð 23,5 m.kr. Kostnaður vegna leiguskuldarinnar nemur 332 þ.kr. á þessu ári.
Aukning rekstrarkostnaðar á árinu vegna flutninga verður mætt með lækkun á öðrum rekstrarkostnaði á deildum.

Áhrif viðaukans á rekstrarniðurstöðu samstæðu Ísafjarðarbæjar er engin.
Áhrif viðaukans á sveitasjóð A hluta er kr. 0 og helst rekstrarniðurstaðan óbreytt í kr. 274.600.000,
Áhrif viðaukans á samantekin A og B hluta er kr. 0 og helst rekstrarniðurstaðan óbreytt í kr. 581.600.000,

Lagt fram minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 19. ágúst 2026, vegna fyrirhugaðra þakskipta á stjórnsýsluhúsi haustið 2026.

Þakskipti eru fyrirhuguð haustið 2026 og áætluð verklok samkvæmt verksamningi 30. nóvember 2026.

Meðfylgjandi máli þessu er viðauki 12 við fjárhagsáætlun Ísafjarðarbæjar 2026, í 3. máli á dagskrá, nr. 2025120020.

Viðauki 12 við fjárhagsáætlun Ísafjarðarbæjar 2026 er nú lagður fram til samþykktar.

Kostnaður vegna verksins fer á framkvæmdaáætlun 2026 og lækkar pott ófyrirséðra verkefna úr 22,2 m.kr. í 9,2 m.kr.

Áhrif viðaukans á rekstrarniðurstöðu samstæðu Ísafjarðarbæjar er engin.
Áhrif viðaukans á sveitasjóð A hluta er kr. 0 og helst rekstrarniðurstaðan óbreytt í kr. 274.600.000,
Áhrif viðaukans á samantekin A og B hluta er kr. 0 og helst rekstrarniðurstaðan óbreytt í kr. 581.600.000.

Viðauki 13 við fjárhagsáætlun Ísafjarðarbæjar 2026 er nú lagður fram til samþykktar vegna þjóðaratkvæðagreiðslu sem haldin verður 29. ágúst 2026.

Greiðslur frá ríkinu nema um 5,2 m.kr. Launagreiðslur nema um 5,6 m.kr. Annar kostnaður er vegna aðkeyptrar þjónustu og millifærslur vegna leigu húsnæðis sveitarfélagsins og annarrar þjónustu. Keyptur var þröskuldarampar fyrir húsnæði GÍ og nýr kjörklefi á Suðureyri. Nettókostnaður vegna málsins kr. 1,6 m.kr. fært af ófyrirséðum kostnaði.

Áhrif viðaukans á rekstrarniðurstöðu samstæðu Ísafjarðarbæjar er engin.
Áhrif viðaukans á sveitasjóð A hluta er kr. 0 og helst rekstrarniðurstaðan óbreytt í kr. 274.600.000,
Áhrif viðaukans á samantekin A og B hluta er kr. 0 og helst rekstrarniðurstaðan óbreytt í kr. 581.600.000

Á 1376. fundi bæjarráðs, þann 13. ágúst 2026, var lagt fram máli nr. 2026080022. Þar kom fram að á 22. fundi fjallskilanefndar, sem haldinn var 10. ágúst 2026, var samþykkt aðgerðaráætlun vegna fjallskila á Fjallaskaga. Nefndin vísaði áætluninni til bæjarráðs til umfjöllunar í ljósi kostnaðar.

Bæjarráð samþykkti aðgerðaáætlun um smölun villifjár á Fjallaskaga og fól bæjarstjóra að finna fjármagn til smölunarinnar eða gera viðauka við fjárhagsáætlun eftir atvikum, þegar kostnaðaráætlun hefur verið uppfærð.

Viðauki 14 við fjárhagsáætlun Ísafjarðarbæjar 2026 er nú lagður fram til samþykktar vegna smölunar á Fjallaskaga.

Kostnaður vegna málsins, 3,5 m.kr. er mætt með lækkun á ófyrirséðum kostnaði.

Áhrif viðaukans á rekstrarniðurstöðu samstæðu Ísafjarðarbæjar er engin.
Áhrif viðaukans á sveitasjóð A hluta er kr. 0 og helst rekstrarniðurstaðan óbreytt í kr. 274.600.000,
Áhrif viðaukans á samantekin A og B hluta er kr. 0 og helst rekstrarniðurstaðan óbreytt í kr. 581.600.000

Lagt fram minnisblað Eddu Maríu Hagalín, fjármálastjóra, og Gylfa Ólafssonar, bæjarstjóra, dags. 25. ágúst 2026, varðandi fjármálastefnu Ísafjarðarbæjar og fjárhagsleg markmið, þar sem lagt er til við bæjarráð að vísa framlagðri fjármálastefnu Ísafjarðarbæjar 2027-31 til afgreiðslu bæjarstjórnar til samþykktar, þannig að stefnan verði grundvöllur fjárhagsáætlunar 2027. Sérstaklega er óskað eftir að bæjarráð taki afstöðu til markmiða um skuldahlutfall og skuldaviðmið A-hluta, sem hafa mest áhrif á fjárhagslegt svigrúm sveitarfélagsins til lengri tíma.

Lagt fram erindi Guðjóns Guðmundssonar, framkvæmdastjóra Báta og búnaðar ehf., f.h. Hólmgeirs Pálmasonar, dags. 22. ágúst 2026, þar sem Ísafjarðarbæ er boðinn forkaupsréttur að skipinu Pálma Ís-24, sknr. 6911, að fjárhæð kr. 11.200.000, með vísan til 3. mgr. 12. gr. laga nr. 116/2006. Skipið er selt með aflahlutdeild og aflamarki í grásleppu, en aflahlutdeild í grásleppu mun falla niður frá byrjun næsta fiskveiðiárs. Grásleppuleyfi sem tengt var skipi áður en til kvótasetningar á grásleppu kom, leyfi nr. 599, fylgir ekki með sölu skipsins og verður áfram eign seljanda.

Lagt fram erindi Guðjóns Helga Ólafssonar, formanns Golfklúbbs Ísafjarðar, mótt. 20. ágúst 2028, varðandi beiðni um gerð samstarfssamnings Ísafjarðarbæjar við Golfklúbb Ísafjarðar.

Lagt fram til kynningar minnisblað Helgu Sigríðar Hjálmarsdóttur, launafulltrúa, dags. 21. ágúst 2026, um launakostnað fyrir janúar til júlí árið 2026.

Lögð fram til kynningar fundargerð 171. fundar umhverfis- og framkvæmdanefndar, en fundur var haldinn 25. ágúst 2026.

Fundargerðin er í 4 liðum.