Fundargerð hverfaráðs Flateyrar – 24. október 2026

Fundargerð aðalfundar hverfaráðs Flateyrar

 

 

Dagsetning

Oct 24, 2026

Staður

Samkomuhúsið á Flateyri

Fundur settur

kl. 14:08

Fundarstjóri

Hannibal Hafberg

Ritari

Linda Björg Guðmundsdóttir

Mætt: Hannibal Hafberg, Sigríður Anna Emilsdóttir, Guðmundur R Björgvinsson, Kristján Þór Kristjánsson og Linda Björg Guðmundsdóttir.

Dagskrá

  1. Umræður um störf félagsins – skýrsla stjórnar
  2. Kosning stjórnar
  3. Ályktun fundarins
  4. Önnur mál

1. Umræður um störf félagsins – skýrsla stjórnar

Fundarstjóri fór yfir störf ráðsins á liðnu starfsári. Eftirfarandi kom fram:

  • Ungbarnaróla: Fjármunir söfnuðust fyrir nýrri ungbarnarólu en hún hefur ekki enn verið sett upp. Rólan er geymd í Kirkjubæ, geymslu áhaldahússins. Ýta þarf verkinu af stað og er stefnt að uppsetningu næsta vor.
  • Umsögn um sjóböð: Ráðið skilaði umsögn vegna sjóbaðanna á starfsárinu.
  • Takmarkað starf: Starf ársins var takmarkað þar sem stjórnin hafði ekki skýra mynd af umboði sínu eða verkferlum.
  • Fundargerðir: Ráðið var áður duglegt að senda inn fundargerðir en það hefur fallið niður undanfarið. Ekki nægir að birta fundargerðir á heimasíðu bæjarins; þær þarf einnig að kynna og ræða, svo að hverfisráð, sem skipuð eru sjálfboðaliðum, vilji áfram leggja vinnu í að skila þeim.

2. Kosning stjórnar

Í framboði til stjórnar:

  • Emil Ólafur Ragnarsson
  • Egill Ólafsson
  • Magnús Einar Magnússon
  • Linda Björg Guðmundsdóttir
  • Hrefna Erlinda Valdemarsdóttir

Frambjóðendur voru kosnir einróma í stjórn.

Í framboði til varastjórnar:

  • Sigríður Anna Emilsdóttir
  • Guðmundur R Björgvinsson

Frambjóðendur voru kosnir einróma í stjórn.

3. Ályktun fundarins

Umgjörð og verklag hverfaráðs

Fundurinn ályktar eftirfarandi:

  1. Það skortir leiðbeiningar, lög eða reglur um starf hverfaráða.
  2. Auka þarf samráð við stjórnsýslu sveitarfélagsins, en tenginguna þangað vantar. Setja þarf fastan ramma um tengiliði, t.d. hvert senda skuli fundargerðir, og skýrari verkferla.
  3. Minnt er á að tilgangur hverfaráða var að stytta boðleiðir og spara vinnu.
  4. Mikilvægt er að næsti formaður fái leiðbeiningar um hvernig halda skuli starfinu áfram.

4. Önnur mál

Rætt var við gesti fundarins. Fram kom að senda skuli fundargerðir á sviðsstjóra fjármála og stjórnsýslu, Bryndís Ósk Jónsdóttir.

Næstu skref

Verkefni

Ábyrgð

Tímarammi

Koma uppsetningu ungbarnarólu af stað

Ný stjórn

Vor 2027

Senda fundargerð þessa á sviðsstjóra fjármála og stjórnsýslu

Ritari

Sem fyrst

Óska eftir skýrum reglum/leiðbeiningum um starf hverfaráða

Ný stjórn

Á starfsárinu

 

Fundargerð ritaði: Linda Björg Guðmundsdóttir

Er hægt að bæta efnið á síðunni?