Skipulags- og mannvirkjanefnd

Lögð fram til umræðu og samþykktar framkvæmdaáætlun Ísafjarðarbæjar 2027-2037.

Kynnt viðhaldsáætlun Eignasjóðs, Fasteigna Ísafjarðarbæjar, Fráveitu, Vatnsveitu, Funa og Aðalsjóðs.

Lögð fram uppfærð gögn, uppdráttur og greinargerð unnin af EFLU, dags. 10. september 2026, með tillögu að auglýsingu breytinga á Aðalskipulagi Ísafjarðarbæjar 2008-2010, undir afþreyingar- og ferðamannasvæði, ásamt verslunar- og þjónustusvæði á Eyrarfjalli, vegna Eyrarkláfs. HMS hefur farið yfir framlögð gögn og gerir ekki athugasemd við að skipulagstillagan verði auglýst skv. 31. gr. skipulagslaga þegar brugðist hefur verið athugasemdum stofnunarinnar, með afgreiðslubréfi stofnunarinnar dags. 30. júlí 2026.

Lögð fram tillaga að nýju deiliskipulagi Eyrarkláfs, í greinargerð, dags. 19. mars 2026, og á uppdrætti, dags. 19. mars 2026, unnin af ráðgjöfum EFLU fyrir Eyrarkláf ehf. Skipulagssvæðið er staðsett í Eyrarfjalli í Skutulsfirði, sem er 700 metra hátt beint fyrir ofan Ísafjarðarbæ. Það afmarkast af byrjunarstöð kláfsins við hlíðarfót Eyrarfjalls, upp að Gleiðarhjalla þar sem reistur verður millistaur fyrir kláfinn og svo áfram á topp Eyrarfjalls þar sem endastöð kláfsins er staðsett.

Lögð fram tillaga að breytingum á deiliskipulagi Gleiðarhjalla, í greinargerð dags. 19. mars 2026, og á uppdrætti dags. 19. mars 2026, unnin af ráðgjöfum EFLU fyrir Eyrarkláf ehf. Skipulagssvæðið er staðsett í Eyrarfjalli í Skutulsfirði, sem er 700 metra hátt beint fyrir ofan Ísafjarðarbæ. Það afmarkast af byrjunarstöð kláfsins við hlíðarfót Eyrarfjalls, upp að Gleiðarhjalla þar sem reistur verður millistaur fyrir kláfinn og svo áfram á topp Eyrarfjalls þar sem endastöð kláfsins er staðsett.

Lagt fram erindi frá Katli Berg Magnússyni, dags. 21. september 2026 þar sem óskað er eftir því að endurskoða landnotkun í vinnslutillögu Aðalskipulags Ísafjarðarbæjar 2025-2050 á Þingeyri.

Óskað er formlega eftir því að strandsvæðið frá Tanknum við Sjávargötu út fyrir Skjólvík verði merkt opið svæði (OP) í vinnslutillögunni áður en hún fer til afgreiðslu í skipulags- og mannvirkjanefnd, með mörk miðsvæðis við Tankinn og Fjarðargötu 42 sem VÞ. Þessi afmörkun er í samræmi við niðurstöðu íbúafundar um aðalskipulag 10. október 2020 sem kynnt var Ísafjarðarbæ, liðurinn „Græn Skjólvík" undir Náttúra/umhverfi og svæði nr. 14 á tillögukorti, „Grænt svæði - varðveita náttúrulega fjöru“.

Lagt fram erindi frá Katli Berg Magnússyni, dags. 21. september 2026 þar sem óskað er staðfestingu/endurnýjun á samningi um land í fóstur sjávarmegin við Fjarðargötu 35, Þingeyri

Undirritaður hefur haft landsvæði Ísafjarðarbæjar sjávarmegin við Fjarðargötu 35 (merkt 35B, 6.241,6 m², sbr. uppdrátt dags. 27. ágúst 2014) í fóstri samkvæmt afnotasamningi dags. 27. ágúst 2014, sbr. bókun skipulags- og mannvirkjanefndar 20. ágúst 2014. Samkvæmt 4. gr. samningsins framlengist hann um 5 ár í senn nema honum sé sagt upp með þriggja mánaða fyrirvara.

Óskað er eftir að nefndin staðfesti að samningurinn sé í gildi, eða eftir atvikum endurnýi hann til 5 ára á sömu forsendum. Meðfylgjandi er upphafleg umsókn, samningur og skissa af svæðinu.

Lagt fram erindi frá eigendum skika við Núpsveg í Dýrafirði, L140979, greinargerð unnin af ráðgjöfum M11 arkitekta hf., skipulagslýsing breytinga á Aðalskipulagi Ísafjarðarbæjar 2008-2020 vegna fyrirhugaðrar frístundabyggðar við Núp í Dýrafirði, dags. 22. september 2026.

Áformin gera ráð fyrir allt að 15 frístundahúsum, þar af níu til almennra frístundanota og sex til gististarfsemi, ásamt aðkomu, veitum og sameiginlegum svæðum.

Lagt fram erindi frá eigendum skika við Núpsveg í Dýrafirði, L140979, greinargerð unnin af ráðgjöfum M11 arkitekta hf., skipulagslýsing á nýju deiliskipulagi vegna fyrirhugaðrar frístundabyggðar við Núp í Dýrafirði, sunnan Ingjaldssandsvegar.

Áformin gera ráð fyrir allt að 15 frístundahúsum, þar af níu til almennra frístundanota og sex til gististarfsemi, ásamt aðkomu, veitum og sameiginlegum svæðum.

Á 664. fundi nefndar þann 11. desember 2025 var sviðsstjóra umhverfis- og eignasviðs er falið að kanna þríhliða samtal milli aðila varðandi lóðamál við Strandgötu 7 og 3b í Hnífsdal. Fasteignir við Strandgötu 7 og áður Strandgötu 5b hafa verið sameinaðar. Lóðin við Strandgötu 3b var stækkuð skv. ósk eiganda árið 2022.
Nú er lagt fram minnisblað tæknideildar, dags. 21. september 2026 með tillögu að nýjum lóðarmörkum.

Lagt fram erindi frá Saltverki ehf. dags. 1. september þar sem fyrirtækið sækir um úthlutun lóðar við Reykjanes 11 í Ísafjarðardjúpi skv. deiliskipulagi. Jafnframt er óskað eftir því að gerður verði lóðarleigusamningur um hana.

Fyrirhugað er að reisa nýtt framleiðsluhúsnæði á lóðinni. Stefnt er að því að hefja framkvæmdir í september 2026 og að fyrsta áfanga ljúki vorið 2027.

Lögð fram til kynningar, niðurstaða HMS á skiptingu eldissvæðisins Eyrarhlíðar í Dýrafirði í tvö eldissvæði Arctic Sea farm.
Fyrirhuguð framkvæmd er ekki líkleg til að hafa í för með sér umtalsverð umhverfisáhrif, sbr. þau viðmið sem tilgreind eru í 2. viðauka laga um umhverfismat framkvæmda og áætlana.
Því skal framkvæmdin ekki háð mati á umhverfisáhrifum.

Samkvæmt 30. gr. laga um umhverfismat framkvæmda og áætlana má kæra ákvörðunina til úrskurðarnefndar umhverfis- og auðlindamála. Kærufrestur er til 26. október 2026.