Umhverfis- og framkvæmdanefnd

Ráðgjafar Ísafjarðarbæjar hjá Verkís ehf., þau Gunnar Páll Eydal og Erla Bryndís Kristjánsdóttir, mæta til fundar til að fara yfir kafla Aðalskipulags Ísafjarðarbæjar 2025-2050.

Kafli 4: Náttúruvá og öryggi
Kafli 5: Lífríki og landslag
Kafli 7: Óbyggð svæði og strandsvæði
Kaflar 8.2 og 8.5: Íbúðarbyggð, byggð í dreifbýli, frístundabyggð og miðsvæði
Kafli 11: Útivist og opin svæði
Kafli 12: Veitur og fjarskipti
Kafli 13: Samgöngur
Kafli 9.8: Úrgangur
Kafli 15: Landnotkun með hliðsjón af náttúruvá, aðgengi, vegakerfi, fráveitu, vatnsöflun, útivist, landslagi og umhverfisáhrifum landnotkunar.

Lagt fram minnisblað fjármálastjóra, Eddu Maríu Hagalín, dags. 19. ágúst þar sem farið er yfir vísitöluhækkanir, ásamt gjaldskrár sem heyra undir umhverfis- og framkvæmdanefnd.

Lögð fram til umræðu og samþykktar framkvæmdaáætlun umhverfis- og framkvæmdamála 2027-2037.

Halla Sigrún Sveinbjörnsdóttir, verkefnastjóri veitna á umhverfis- og eignarsviði, mætir á fund nefndarinnar og kynnir LIFE Icewater-verkefnið, umfang þess, helstu markmið og stöðu þeirra verkefna sem Ísafjarðarbær ber ábyrgð á. Verkefnið snýr meðal annars að greiningu og úrbótum á fráveitu-, ofanvatns- og útrásarkerfum, auk aðgerða til að draga úr mengunarálagi á Skutulsfjörð.

Lögð fram ábending frá íbúa varðandi gönguleiðir og göngustíga í Tunguskógi vegna merktra gönguleiða og leiðaskilta sem hafa verið sett upp á svæðinu.

Lögð eru fram tölvupóstsamskipti milli Jake Lampe f.h. Strandhreinsunar Íslands ehf. og Ísafjarðarbæjar vegna erindis um aðstöðu og annan stuðning við strandhreinsunarverkefni á Vestfjörðum. Jafnframt er lagt fram minnisblað deildarstjóra umhverfis- og eignarsviðs um erindið, mögulega aðkomu sveitarfélagsins að verkefninu og styrkjamöguleika innan verkefnisins Strandhreinsun Íslands á vegum Umhverfis- og orkustofnunar.

Lagður fram samningur við Náttúrufræðistofnun um refaveiðar 2026-2028, ásamt minnisblaði sviðsstjóra dags. 3. sept. sl.

Lagt fram minnisblað sviðsstjóra umhverfis- og eignasviðs, dags. 3. september 2026, með hliðsjón af lagabreytingum. Frá 1. janúar 2027 tekur gildi breytt fyrirkomulag heilbrigðiseftirlits sveitarfélaga. Með breytingum á lögum nr. 7/1998 um hollustuhætti og mengunarvarnir og breytingum á fyrirkomulagi matvælaeftirlits verða heilbrigðisnefndir sveitarfélaga lagðar niður í núverandi mynd og verkefni þeirra skiptast milli ríkisstofnana og sveitarfélaga. Einnig er lagt fram minnisblað Heilbrigðisnefndar Suðurnesja dags. 18. júní

Lagt er fram minnisblað deildarstjóra umhverfis- og eignarsviðs um aðgengismál á vegum sviðsins. Jafnframt er lögð fram skýrslan "Aðgengi að stofnunum í eigu Ísafjarðarbæjar - Úttekt og tillögur að úrbótum" sem Verkís vann fyrir sveitarfélagið.