Bæjarráð

Á 1376. fundi bæjarráðs, þann 13. ágúst 2026, var lagt fram erindi Steinunnar Halldórsdóttur, f.h. Mennta- og barnamálaráðuneytisins, dags. 24. júlí 206, varðandi mögulega aðkomu Ísafjarðarbæjar að framkvæmd við byggingu verknámshúss. Bæjarráð fól bæjarstjóra að vinna málið áfram í samræmi við umræður á fundinum.

Skólameistari og verkefnastjóri Menntaskólans á Ísafirði mættu til fundar til umræðu um verkefnið.

Lagður fram til samþykktar viðauki 17 við fjárhagsáætlun Ísafjarðarbæjar 2026 vegna verðbólgu ársins.

Skýringar: Vísitala neysluverðs til verðtryggingar í október 2026 er 694,6 og hefur því hækkað um 5,5% frá áramótum, en þá var gengið 658,2. Útreikningar skuldabréfakerfis miða því við nú að vísitala neysluverðs verði 5,7% í árslok 2026. Áhrif þess eru eftirfarandi:
-Aðalsjóður, fjármagnstekjur aukast um 10,5 m.kr. og fjármagnsgjöld hækka um 13,3 m.kr., nettó breyting er aukning kostnaðar um 2,7 m.kr.
-Eignasjóður, fjármagngjöld hækka um 76,8 m.kr.
-Hafnarsjóður, fjármagnsgjöld hækka um 42,5 m.kr.
-Fastís, fjármagnsgjöld hækka um 14,6 m.kr. Samtals hækkun fjármagnsgjalda nemur því 136.691.974,

Í fjárhagsáætlun 2026 var gert ráð fyrir lántöku hjá Hafnarsjóði að fjárhæð 485 m.kr. Sökum þess hvernig markaðurinn stendur og hversu há vaxtakjör Lánasjóðsins er, er hætt við lántöku á árinu 2026 með væntingar um að hagkvæmara gæti orðið að fjármagna framkvæmdir á árinu 2027. Við þessa breytingu lækkar vaxtakostnaður á höfninni um 26,2 m.kr. og mun handbært fé samstæðunnar standa í 191,7 m.kr. í lok árs.

Áhrif viðaukans á rekstrarniðurstöðu samstæðu Ísafjarðarbæjar er lækkun afkomu um 110.522.909,-.
Áhrif viðaukans á sveitasjóð A hluta er 79.571.710 og lækkar rekstrarniðurstaðan úr kr. 274.600.000,- í 195.028.290,
Áhrif viðaukans á samantekin A og B hluta er kr. 110.522.909 og lækkar rekstrarniðurstaðan úr kr. 581.600.000,- í 471.077.091

Lögð fram til kynningar útkomuspá 2026.

Miðað við forsendur útkomuspár, með hliðsjón af viðauka 1-17, og annarra verkefna sem fyrirséð eru á árinu, verður rekstrarniðurstaða A- og B- hluta í árslok 2026 jákvæð um 471 m.kr.- og A- hluta jákvæður um 195 m.kr.

Mál sett á dagskrá að beiðni Jónasar Þórs Birgissonar, bæjarfulltrúa D-lista Sjálfstæðisflokks.

Lagt fram til kynningar minnisblað Eddu Maríu Hagalín, fjármálastjóra, dagsett 21. september 2026, um samantekt viðauka við fjárhagsáætlun Ísafjarðarbæjar ársins 2026.

Á 1381. fundi bæjarráðs, þann 14. september 2026, var lagt fram minnisblað Eddu Maríu Hagalín, fjármálastjóra, dags. 14. september 2026, varðandi samantekt um fasteignagjöld og fasteignamat ársins 2027 til samanburðar við fyrri ár. Bæjarráð fól bæjarstjóra að vinna málið áfram og leggja fyrir á næsta fundi.

Er nú lagt fram uppfært minnisblað Eddu Maríu Hagalín dags. 21. september með umbeðnum viðbótarupplýsingum.

Lagðar fram gjaldskrár allra nefnda Ísafjarðarbæjar fyrir árið 2027, ásamt minnisblaði Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 21. september 2025, um samantekt breytinga.

Bæjarstjóri kynnir munnlega stöðu á ráðningu mannauðsstjóra.

Lagðar fram til samþykktar breytingar á 48. gr. samþykkta um stjórn Ísafjarðarbæjar og fundarsköp bæjarstjórnar, vegna nýrra samþykkta ungmennaráðs og Byggðasamlags Vestfjarða um málefni fatlaðs fólks.

Lagt fram til samþykktar uppfært erindisbréf skóla-, íþrótta- og tómstundanefndar, þar sem gert er ráð fyrir áheyrnarfulltrúa ungmennaráðs, í samræmi við tillögur um nýja samþykkt ungmennaráðs sem vísað hefur verið til samþykktar til bæjarstjórnar.

Lagðar fram til samþykktar uppfærðar reglur Ísafjarðarbæjar um kjör og starfsaðstöðu kjörinna fulltrúa, þar sem gert er ráð fyrir áheyrnarfulltrúa ungmennaráðs, í samræmi við tillögur um nýja samþykkt ungmennaráðs sem vísað hefur verið til samþykktar til bæjarstjórnar.

Lagt fram erindi Gunnhildar Gunnarsdóttur, f.h. félags- og húsnæðismálaráðuneytisins, dags. 14. september 2026, varðandi ósk ráðuneytisins um framlengingu samnings um samræmda móttöku flóttafólks til ársloka 2027.

Lagt fram erindi Sigrúnar Helgu Sigurjónsdóttir, sérfræðings, f.h. nefndar og greiningarsviðs Alþingis, dags. 17. september 2026, þar sem umhverfis- og samgöngunefnd Alþingis sendir til umsagnar frumvarp til laga um varnir gegn snjóflóðum og skriðuföllum o.fl. (markmið, nýting eigna, framkvæmdaumsjón), 4. mál. Umsagnarfrestur er til og með 1. október 2026.

Frumvarpið er endurflutt frá fyrra þingi Alþingis.

Lagt fram erindi frá nefnda- og greiningarsviði Alþingis, dags. 17. september 2026, þar sem óskað er umsagnar um 5. mál, frumvarp til laga um breytingu á sveitarstjórnarlögum. Umsagnarfrestur er til og með 1. október 2026.

Á 1380. fundi bæjarráðs, þann 10. september 2026, var lagt fram til kynningar erindi Sigurðar Jökuls Ólafssonar, framkvæmdastjóra Cruise Iceland, dags. 1. september 2026, varðandi stöðu og horfur skemmtiferðaskipageirans á Íslandi. Bæjarráð vísaði erindinu til kynningar í hafnarstjórn og fól bæjarstjóra að taka saman minnisblað um bókunarstöðu skemmtiferðaskipa í Ísafjarðarbæ næstu árin.

Er minnisblað Gylfa Ólafssonar, bæjarstjóra, dags. 18. september 2026, lagt fram til kynningar.

Lögð fram áskorun frá Starfsgreinasambandi Íslands og 18 aðildarfélögum, dags. 16. september 2026, um þjóðarsátt um verðstöðugleika þar sem skorað er á sveitarfélög landsins að taka þátt í sameiginlegu átaki til að ná niður verðbólgu og vöxtum og stuðla þannig að því að kjarasamningar haldi.

Lagt fram erindi frá VR, LÍV og Fagfélögunum, dags. 14. september 2026, um þjóðarsátt um verðstöðugleika þar sem óskað er svara frá sveitarfélaginu vegna tiltekinna atriða tengd verðlagi, vöxtum og verðbólgu.

Lögð fram til kynningar fundargerð 49. fundar skóla-, íþrótta- og tómstundanefndar, en fundur var haldinn 21. september 2026.

Fundargerðin er í 9 liðum.