Bæjarráð

Bæjarráð samþykkir að unnar verði kostnaðaráætlanir vegna tveggja verkefna, skipulags- og hönnunarvinnu vegna áfangastaða í þéttbýli í Ísafjarðarbæ og til skipulags-, undirbúnings- og hönnunarvinnu vegna göngu- og hjólastígs um Sandafell á Þingeyri. Bæjarráð felur bæjarstjóra að sjá til þess að umsóknir samkvæmt minnisblaði verði sendar Framkvæmdasjóði ferðamannastaða í samræmi við minnisblað setts sviðsstjóra.

Bæjarráð veitir eftirfarandi umsögn vegna tillögu 1:

„Bæjarráð veitir umsögn um fyrirhugaða skipulags- og hönnunarvinnu vegna verkefnisins Áfangastaðir fyrir skemmtiferðaskipafarþega í þéttbýli Ísafjarðarbæjar.
Verkefnið tengist stefnu Ísafjarðarbæjar um móttöku skemmtiferðaskipa og þeirri uppbyggingu innviða og móttöku ferðamanna sem sveitarfélagið vinnur að. Jafnframt styður verkefnið við það markmið að skapa betri forsendur fyrir dreifingu ferðamanna og uppbyggingu minna nýttra áfangastaða innan sveitarfélagsins.
Bæjarráð telur mikilvægt að skipulags- og hönnunarvinna fari fram áður en ráðist verður í frekari uppbyggingu á stöðunum, þannig að unnt verði að móta heildstæðar, raunhæfar og hagkvæmar lausnir sem taka mið af aðstæðum á hverjum stað.
Bæjarráð styður umsókn Ísafjarðarbæjar í Framkvæmdasjóð ferðamannastaða um styrk til skipulags- og hönnunarvinnu vegna verkefnisins.“

Bæjarráð veitir eftirfarandi umsögn vegna tillögu 2:

„Bæjarráð veitir umsögn um fyrirhugaða skipulags-, undirbúnings- og hönnunarvinnu vegna göngu- og hjólastígs um Sandafell á Þingeyri.
Bæjarráð telur mikilvægt að áður en ráðist verður í frekari uppbyggingu verði unnin heildstæð hönnun verkefnisins í samráði við aðliggjandi landeigendur og að tekið verði mið af aðstæðum á svæðinu, öryggi, aðgengi og tengingu við núverandi stíga.
Bæjarráð styður umsókn Ísafjarðarbæjar í Framkvæmdasjóð ferðamannastaða um styrk til skipulags-, undirbúnings- og hönnunarvinnu vegna verkefnisins.“

Bæjarráð leggur til við bæjarstjórn að samþykkja gjaldskrá hafna Ísafjarðarbæjar.

Bæjarráð samþykkir framlagða viðhaldsáætlun sem hluta af fjárhagsáætlun Ísafjarðarbæjar 2027 og næstu þriggja ára á eftir.

Bæjarráð vísar framkæmdaáætlun Ísafjarðarbæjar 2027 til bæjarstjórnar til fyrri umræðu.

Bæjarráð vísar fjárhagsáætlun Ísafjarðarbæjar 2027 til bæjarstjórnar til fyrri umræðu.

Bæjarráð vísar málinu til skipulags- og mannvirkjanefndar og umhverfis- og framkvæmdanefndar til umsagnar.

Bæjarfulltrúi D-lista Sjálfstæðisflokks, Jónas Þór Birgisson, lagði fram eftirfarandi bókun:

"Starfslokasamningur við sviðsstjóra umhverfis- og eignasviðs og kostnaður við hann eru auðvitað á ábyrgð meirihluta bæjarstjórnar. Fyrirhugaðar skipulagsbreytingar á sviðinu eru það að sama skapi einnig en þær hafa enn ekki verið ræddar á þeim lýðræðislega vettvangi sem bæjarstjórn og bæjarráð eru. Til að gæta fullrar sanngirni er þó rétt að taka fram að undirrituðum var með óformlegum hætti tilkynnt að þetta stæði til. Ekki verður dregið í efa hið lýðræðislega umboð sem meirihlutinn hefur en fulltrúi Sjálfstæðisflokksins gagnrýnir verklag við þessa framvæmd.

Sviðsstjóri er ráðinn af bæjarstjórn og þess vegna hefur venjan verið að vinna slíkt ferli með opnum, gagnsæjum og faglegum hætti.

Venja hefur verið að auglýsing af þessum toga sé rædd í bæjarráði fyrir birtingu til að reyna að tryggja breiða sátt um ráðningarskilyrði enda verið að ráða í faglega stjórnunarstöðu. Það var ekki gert.

Venja hefur verið að ráðningarstofa komi að ferlinu til þess að reyna að tryggja vönduð vinnubrögð og minnka líkur á pólitískri tortryggni. Það var ekki gert.

Þá telur fulltrúi Sjálfstæðisflokksins ekki góðan brag á því að í umræddri auglýsingu sé lýst fyrirhuguðum skipulagsbreytingum án þess að þær hafi fengið svo mikið sem umræðu í bæjarstjórn en samþykki hennar er þó forsenda fyrir að þær taki gildi."

Umræður um dagskrá fyrirhugaðs Fjórðungsþings og ályktanir Ísafjarðarbæjar fyrir þingið.

Ísafjarðarbær felur bæjarstjóra að sitja fyrir sína hönd í samráðshópi Eyrarkláfs ehf.
Bæjarráð vísar erindinu til kynningar í skipulags- og mannvirkjanefnd og umhverfis- og framkvæmdanefnd.

Bæjarráð tekur jákvætt í erindið og felur bæjarstjóra að vinna málið áfram.

Bæjarráð felur bæjarstjóra að senda umsögn í samræmi við umræður á fundinum.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.